जी शक्ती तुम्हाला वाचवू शकते,
तीच तुम्हाला टिकवूनही ठेवू शकते. जेव्हा तुम्ही विश्वास ठेवता, तेव्हा तुम्ही 'देवाच्या
सामर्थ्याने, विश्वासाद्वारे तारण्यासाठी राखले जाता' १ पेत्र १:५. जर तुमचा विश्वास
पापाच्या दैनंदिन संघर्षात देवाच्या सामर्थ्यावर अवलंबून नसेल, तर तो तारणारा विश्वास
नव्हे. जेव्हा तुम्ही पापात पडता, ते यासाठी की त्या क्षणी तुमचा विश्वास प्रभूला सोडून
देतो आणि तुम्ही त्याच्यावर विश्वास ठेवत नाही.
कारण “जो कोणी येशू हा ख्रिस्त
आहे असा विश्वास ठेवतो तो देवापासून जन्मलेला आहे.” विश्वासाने देवापासून जन्म घेणे
ही एकदाच केली जाणारी गोष्ट नाही, तर ती एक सतत चालणारी प्रक्रिया आहे. जोपर्यंत तुम्ही
विश्वास ठेवता तोपर्यंत ती चालू राहते. आणि विश्वासाद्वारे तुम्हाला देवाच्या सामर्थ्याने
संरक्षित केले जाते. “आपल्याला माहित आहे की जो कोणी देवापासून जन्मलेला आहे तो पाप
करत नाही; पण जो देवापासून जन्मलेला आहे त्याचे संरक्षण देव स्वतः करतो आणि वाईट शक्ती-सैतान
त्याला स्पर्शही करू शकत नाही.” १ योहान ५:१८, आर.व्ही.
हे एक आशीर्वादपूर्ण सत्य आहे
की विश्वासाद्वारे तुम्ही प्रभूच्या हातांमध्ये सुरक्षित आहात, आणि वाईट शक्ती-सैतान
तुम्हाला स्पर्शही करू शकत नाही. वादळापासून बचाव करण्यासाठी हे एक निर्भय आश्रयस्थान
आहे. अरे, काश तुम्ही या आश्रयस्थानात राहायला शिकाल अशी इच्छा आहे; कारण तुम्हाला
कडू अनुभवांवरून चांगल्याप्रकारे माहिती आहे की तुमच्यात स्वतःला रोखण्याची शक्ती नाही
- एका क्षणासाठीही नाही.
या पाप आणि दुष्टतेने भरलेल्या
जगातसुद्धा, विश्वासामुळे तुम्हाला सभोवतालच्या अधर्मापासून वाचवले जाऊ शकता - जो तुमच्या
स्वतःच्या देहातच तुमवर उसळण्यास सज्ज आहे. जेव्हा तीन हिब्रू बंद्यांना अग्नीच्या
भट्टीत टाकण्यात आले, तेव्हा आगीचा त्यांच्या शरीरावर काहीही परिणाम झाला नाही;
"त्यांच्या डोक्यावरील एक केससुद्धा जळाला नव्हता, त्यांचे वस्त्र बदलले नव्हते,
आणि त्यांच्यावर आगीचा वाससुद्धा आला नव्हता." त्यांच्या सोबत भट्टीत तोच होता
ज्याने वचन दिले होते, "मी तुझ्या सोबत असेन," आणि "जेव्हा तू अग्नीतून
जाशील, तेव्हा तू जळणार नाहीस."
तोच (परमेश्वर) तुम्हाला पापाच्या
भस्म करणाऱ्या अग्नीमध्ये सुरक्षित ठेवण्याचे वचन देतो. तुम्ही एकट्याने याला सामोरे
जाऊ शकत नाही; तुम्ही नेहमीच पडता, आणि अग्निमय बाण तुमच्या आत्म्यात आदळतात. दावीदाची
ही प्रार्थना तुमचीही सतत असावी: "हे देवा, माझ्यात शुद्ध हृदय निर्माण कर; आणि
माझ्या ठायी स्थिर आत्मा नव्याने घाल". ईश्वराचे आभार माना, जेव्हा तुमचा विश्वास
त्याला घट्ट धरून ठेवत नाही आणि शत्रूने तुम्हाला शोधले आणि स्पर्श केला, तरीही
"पाप करू नका" या आज्ञेनंतर दिलेले वचन अस्तित्वात आहे: "आणि जर कोणी पाप केले तर पित्याजवळ आमचा एक वकील आहे,
नीतिमान येशू ख्रिस्त" तो तुम्हाला शत्रूपासून मुक्त करतो आणि पुन्हा स्वतंत्र
करतो. पण तो तुम्हाला स्वातंत्र्य देतो, जेणेकरून तुम्ही अधिक दृढ विश्वासाने त्याला
चिकटून राहावे. पापाच्या कडू अनुभवातून तुम्हाला तुमची स्वतःची दुर्बलता आणि निरुपयोगिता
शिकवली जाते, आणि त्याच्या माफीच्या गोडपणात तुम्हाला त्याच्या वाचवण्याच्या सामर्थ्याची
शिकवण मिळते.
